Nar nđaơ (29/9), Groi Kruanh N’gâng kan tuch tăm mât rong n’hanh hun hao ƀon lan Nguyễn Hoàng Hiệp n’hanh Mpôl pah kan lĕ uănh nđôi nu nău mkra trôk nar lơh ta nkuăl Phù Yên, Sơn La. Mih dak lip, pĭch rlâm neh lĕ ƀư 3 nuĭh khĭt n’hanh roh ta xă Mường Lang, tâm nĕ geh du mon 5 năm deh.

Bah meng nĕ, mih têh lĕ ƀư khuch rlău 40 ha ba bah nuĭh ƀon lan; 6 jay geh pĭch rlâm, tâm nĕ, 3 rnăk an trơn ndal, 3 rnăk dôl mkra nău khuch. Aƀaơ, nkuăl Phù Yên dôl ntĭm rđău rmôt kan dơi kan ƀư joi nuĭh geh roh ƀa ƀă, rgŏ jă nuĭh ƀon lan, cán bộ, công chức UBND nkuăl ndrel xă ntơm rek rnoh neh ba geh khuch. Groi kruanh n’gâng kan Nguyễn Hoàng Hiệp djôt dơn ăp nău nsrôih bah nkuăl Phù Yên tâm trong kan mkra trôk nar lơh, joi nuĭh geh rmanh. Nkre, đă n’gor Sơn La n’hanh nkuăl Phù Yên kơp uănh mkra khuch khat trôk nar ƀư, ngăch đăp mpăn nău rêh n’hanh tuch tăm an nuĭh ƀon lan.