Lơ 11/2, tâm rnôk hăn rân rơh rƀŭn gưl prêh Chính phủ lam ntur neh 2025 ta ăp dak Ả rập dơn ngoai (UAE), Groi Thủ tướng Bùi Thanh Sơn hŏ geh ăp rơh tâm mâp ma Groi Tổng thống UAE Mansour bin Zayed Al-Nahyan. Groi Thủ tướng Bùi Thanh Sơn ntoh nau rhơn bah năp ăp nau kan tâm nchră rmôt kan khuh răm, đah âk nau tâm boh mhe ndrel âk nau kan ntuh kơl geh nau dơi dôl geh tâm nchră. Groi Thủ tướng đă 2 ding ân nsôih tâm rgop nau ntrŭnh, ƀư ngăn ăp nau ton ma ăp rđau kan gưl prêh hŏ tâm di nau, ntrŭnh ƀư nau kan tâm boh âk ntil ndrel ơm geh dơi dŏng nau ton kan nsum văng sa ăp ntil, njêng nau ntrŭt dăng tâm boh 2 ding tâm ăp nau kan:

văng sa, tăch rgâl, ntuh kơl, neh dak, nau kan prêh, ntrơn rgâl mrô, ntrơn rgâl ndrih, tuch tăm, pah kan...Groi Tổng thống UAE mbơh hŏ rđau ăp ntŭk kan, tơm prăk ntuh kơl UAE ndâk nau tâm boh tâm ăp nau kan, tâm nê đă rmôt Kruanh n’gâng kan ntuh kơl UAE hăn Việt Nam ntơm lơ 7-7/2/2025 gay tâm nchră ndrel tâm ban nau kan, bôk nau tâm boh n’hêl tâm rơh tât./.