Kêng măng 21/10, ta Nhih pah kan Chính phủ, Groi Thủ tướng, Bộ trưởng Bộ Ngoại giao Bùi Thanh Sơn wơt wa Phosay Sayasone, Bộ trưởng Bộ Năng lượng n’hanh Mỏ Lào nkhêp geh hăn khâl n’hanh pah kan ta dak he ntơm bah nar 19 - 21/10. Groi Thủ tướng, Bộ trưởng Bùi Thanh Sơn lah rjăp, Lào lah dak kan nsum geh nău dơn kan, geh nău khlay kan n’hanh nău tam ngơi nar lơn ma dơi uănh khlay, rgop tâm nău hun hao đăp mpăn n’hanh jŏ jong bah nkual, nkre ntrŭt ntrôl tâm boh đah ASEAN đah ăp dak băl tâm boh, yor ma nău đăp mpăn, bah tâm lơh tâm su n’hanh hao têh ndrŏng bah lam nkual n’hanh lam ntŭr neh.

Lah rjăp, Việt Nam way uănh khlay, rong an lor dŭt âk an tâm boh mha êng Việt Nam - Lào, Groi Thủ tướng rnê âk tâm boh ŭnh nar n’hanh tơm loih kông đah Việt Nam - Lào tâm bah ri aơ nơh hŏ geh âk nău dơi uĕh, ăp nău kan tâm boh khuh n’gôr, hun hao mbro. Dăn đă bar ding ân tâm ôp jru tâm ăp gưl gay n’hao ŭnh nar n’hanh tơm loih kông jêng jêng suan dăng tâm boh đah bar dak, Bộ trưởng Phosay Sayasone nsing nơm ăp nău kan tâm trong kan dja mbra nar lơn ma nsĭt geh nău dơi âk lơn tâm let năp tay.