Nthoi tay ăp nău kan ta Tâm nchră gưl têh Chính phủ lam ntŭr neh 2025 ta Dubai, Ăp tiểu vương quốc A rập dơn ngoăy, nar 12/2, Groi Thủ tướng Chính phủ Bùi Thanh Sơn hŏ geh ăp nău lah khlay. Groi Thủ tướng lah rjăp ăp nău mpơl gĭt lor sŏng dăng bah Chính phủ Việt Nam mpeh nsrôih rgâl mhe nău mĭn, rdâk njêng, wat jêh ăp kôp trong đă tĭng mpeh wăng sa, chính trị, văn hoá, rêh jêng kon nuĭh, ntŭk gŭ rêh; rdâk tay ăp ndơ săk geh n’hanh tơm ndơ, njêng suan ntrôl mhe an hun hao ngăch n’hanh jŏ jong neh dak, ƀư jêng ngăn ngăn gay ndơ̆ neh dak hun hao đăt ndal tâm rơh hun hao mhe.

Việt Nam way rôih tĭng du gung trong tâm boh dak bah dih êng nơm; âk ding, âk ntil trong ƀư; lah băl mpôl uĕh, lah dak tâm boh nsing nơm, lah dak lăp kan nsum nsrôih uĕh, geh nău dơn kan nsum mpôl lam ntŭr neh. Groi Thủ tướng kuăl jă ăp doanh nghiệp, nuĭh ntuh kơl UAE, Trung Đông n’hanh ăp nuĭh tơm ntuh kơl tâm  ăp trong an ƀư lor bah Việt Nam aƀaơ kơt rgâl kloh uĕh, rgâl mbrô, rgâl blău ƀư mhe, công nghệ mhe, AI, bán dẫn, ŭnh nar sĭt jêng tay.