Ôi ntri (15/9), ta nâm nău ƀư tơm bah Uỷ viên Bộ Chính trị, Bí thư Thành ủy Nkual ƀon têh Hồ Chí Minh Nguyễn Văn Nên, Rgum nchră wăng sa nkual ƀon têh Hồ Chí Minh năm 2023 hŏ ƀư đah nkô̆: “N’hao hun hao kloh uĕh- Njăr trong hăn rƀŏng tât mô hôm geh n’gluh n’huk djơh”. Groi Thủ tướng Lê Minh Khái tât râng n’hanh geh nău lah ta tâm nchră.

Tâm  nău lah rđău đă tâm nchră, wa Lê Minh Khái mĭn lah, “N’hao hun hao kloh uĕh- Njăr trong hăn rƀŏng tât mô hôm geh n’gluh n’huk djơh” lah nkô̆ dŭt ngăn ngăn n’hanh geh khlay, tâm di đah trong rƀŏng hun hao jŏ jong aƀaơ lam ntŭr neh. Rgum nchră geh nău tât râng bah ăp nuĭh rnâng kan geh nsing nơm tâm n’hanh bah dih dak, mbra nsĭt tay ăp nău gĭt êng mhe, ăp trong nkra uĕh, ăp nău tă ơm gĭt kơt nti khlay gay kơl nkual ƀon têh Hồ Chí Minh tâm nău an ƀư geh nău tam trong nchrăp, n’hanh trong kơl têh jong bah Đảng, Chính phủ mpeh hun hao nđĭr uĕh n’hanh hun hao jŏ jong./.