Lơ 26/10, ta ntŭk kan Chính phủ, Bí thư Trung ương Đảng, Groi Thủ tướng Lê Minh Khái hŏ vơt Quốc vụ Khanh N’gâng kan văng sa, ntĭm nti ndrel mĭn njêng Thuỵ sĩ Dominique Paravicini. Groi Thủ tướng đă bar ding ân tâm rgop ngăn, ntrŭnh ƀư ân tam “Bôk nau kan bah Việt Nam ndrel Thuỵ sĩ lvang năm 2021-2024” đah nau kơl an lah n’hao nau dơi ntul rlong ân nkuăl văng sa kan êng, hun hao văng sa ân ueh, rdâng đah ăp nau ntul rlong mhe mpeh hun hao ndrel ntrơn rgâl văng sa.

Việt Nam ŭch ndơn nau kơl an bah Thuỵ sĩ đah nau nsôih hun hao nâp nâl bah Việt Nam tâm rnôk tât, ngăn lah tâm nau n’hao nau ntul rlong bah nkuăl văng sa êng, tâm boh ntŭk kan tăch rgâl...Nau ŭch bah Thuỵ sĩ nkoch mbơh nau blau, nau kan kơl an Việt Nam ndâk ntrong kan ntĭm nti ân nâp prêh. Quốc vụ khanh N’gâng kan văng sa, ntĭm nti ndrel mĭn njêng Thuỵ sĩ rnơm ŭch tâm rơh tât, ntŭk kan tăch rgâl bah Thuỵ sĩ mra geh kan âk lơn tâm Việt Nam, nkre ŭch, tâm dak Thuỵ sĩ mra geh âk ndơ ueh bah Việt Nam./.