Ôi 7/1, Groi Thủ tướng Trần Hồng Hà ndrel rmôt kan bah Chính phủ mêt uănh nau tuch tăm ndrel bonh đă, ôp khâl ăp rnăk rong tui ka tâm nkuăl Vân Đồn, n’gor Quảng Ninh geh khuch yor phŭt mrô 3 (yagi). Tâm nar mât uănh, Groi Thủ tướng Trần Hồng Hà mbơh, bah năp nơh yor ƀon lan, ntŭk kan ê geh ntuh kơl tâm di, nau gĭt, nau mhe mô geh rgum ri jêr ngăn gay mĭn ƀư ân tâm di. Yơn lah, nau n’huch rnoh prăk kon bah ngân hàng, jao nkuăl mât rong tui ka ndrel âk nau kan êng geh ƀư hŏ kơl an ƀon lan ndâk kan tuch tăm.

Geh tât nau jao nkual rong tui ka ân ntŭk kan, nŭih, Groi Thủ tướng nkah n’gor Quảng Ninh ân đă ăp nau nkol bah n’gor gay Chính phủ dơi rklaih. Geh tât nau jao nau kan mât rong, nâp nâl, nau kan mhe...Groi Thủ tướng đă ân uănh ăp nau hun hao tâm nau kan nkra ƀư ntŭk yơng ntil ân săk tam gay nŭih ƀon lan, ntŭk kan ndrel râng./.