Ta Nhih pah kan Chính phủ, Groi Thủ tướng Trần Hồng Hà hŏ wơt Đại sứ Hoa Kỳ ta Việt Nam Marc Knapper. Ta rơh wơt, Groi Thủ tướng lah rjăp, Việt Nam uănh Hoa Kỳ lah dak tâm boh khlay n’hanh ŭch rŏng Hoa Kỳ n’glăp trong tâm boh mhe lăp tâng jru, nsĭt geh nău dơi, ngăn ngăn nsing ta nău uănh khlay đăp mpăn, ƀư tơm, lam lĕ rngôch neh dak, trong tĭng chính trị nsum, nsĭt tay nău geh ngăn ngăn an ƀon lan bar dak n’hanh rgop tâm  nău đăp mpăn, tâm boh, hun hao ta nkual n’hanh lam ntŭr neh.

Groi Thủ tướng ŭch rŏng Hoa Kỳ uănh khlay tay n’hanh ntop kơl âk tơm ndơ kơl an Việt Nam, rgâl ŭnh nar, rgâl nđĭr uĕh, rdâng lơh đah rgâl trôk nar, mât ndray mpô mpa bri. Bar ding tâm  ôp mpeh nkô̆ nău dak bah dih n’hanh nkual ndrel uănh khlay, nkre tâm ban ŭch ăp nhih pah kan geh tât bah bar dak kan nsum lhăt gay nchrăp an ăp nău  kan nkah ndray 30 năm njêng tâm boh Việt Nam-Hoa Kỳ tâm năm 2025.