Nar nđaơ (12/9), ta Ngih Chính phủ, Groi Thủ tướng Trần hồng Hà wơt Groi Kruanh gưl prêh tập đoàn Walmart Avanesh Gupta. Lah rjăp tập đoàn Walmart lĕ geh âk nău ƀư ntuh kơl, tăch rgâl ta Việt Nam, ngăn lah nu nău trong pă an ndơ tăch n’gluh, wa Avanesh Gupta mĭn lah, ăp nău kơl bah chính phủ Việt Nam lĕ nta nơih gay Walmart têh jêng, pơk dŏng soih ăp trong nkra njêng, pă an ndoh ndơ ta Việt Nam gay tăch n’gluh luh ntŭk tăch lam ntŭr neh kơt kho ao, ndơ dŏng, ndơ sông sa.

Uănh lah prêh trong ƀư nău kan bah Walmart ta lam ntŭr neh, Groi Thủ tưướng Trần Hồng Hà an gĭt đah têh dăng mpeh nuĭh kan, ngih wâl, nău đăp mpăn chính trị-rêh jêng, Việt Nam lĕ jêng ngoăy tâm âk dak nkra njêng, tăch n’gluh ndơ dŏng têh ngăn ta lam ntŭr neh.