Ôi 17/2, Groi Thủ tướng Trần Hồng Hà wơt wa Reha Denemec, Groi kruanh Tập đoàn Công nghiệp n’hanh Thương mại rdâk njêng IC ICTAS (Thổ Nhĩ Kỳ), Tơm nuĭh ƀư ndranh rdâk njêng n’hanh ntrŭp Jay gŭ kâp tach ndeh păr Long Thành. Uănh năl IC ICTAS lah tập đoàn geh nsing nơm, geh nău tă ơm gĭt rdâk njêng âk tach  ndeh păr lam ntŭr neh, Groi Thủ tướng Trần Hồng Hà an gĭt, Chính phủ, Thủ tướng Chính phủ dŭt uănh khlay, way hăn ôp uănh mbro, ntrŭt ntrôl, geh ăp rơh hop rđău đă dŭt n’hâm na nê̆ gay ntrôl ngăch, ơm ƀư lôch jêh tach ndeh păr Long Thành.

Groi Thủ tướng ŭch rŏng IC ICTAS pah kan tay đah ăp băl pă an tơm ndơ ntrŭp gay ntrŏng năl dơi mông nar ƀư lôch jêh ngăch Jay gŭ kâp ndeh păr tach ndeh păr Long Thành đăp mpăn nâp uĕh, nău ŭch geh kỹ thuật, nsĭt geh wăng sa dŭt âk. Lah uĕh Groi Thủ tướng rong an mông wơt, wa Reha Denemec lah rjăp tâm rgop kan nsum mbra dŭt n’hâm nsrôih, joi ăp trong nkra kỹ thuật, rdâk ƀư… gay rhuăt glêh nar ƀư lôch jêh gâl ndranh ƀư, nkre ŭch rŏng dơi ƀư tay ăp ntŭk nchrăp kan rhŏ dŏng, nchuăt hăn Tach ndeh păr hăn dak bah dih Long Thành.