

Giáo sư- Tiến sĩ Nguyễn Xuân Thắng, Giám đốc Học viện chính trị ngih dak Hồ Chí Minh, Kruanh Hội đồng lý luận Trung ương râng n’hanh ntoh ngơi ntim đă rơh Đại hội. Groi kruanh dak Võ Thị Ánh Xuân- Groi kruanh tal 1 Hội đồng tâm rlong nkhôm rnê Trung ương, ndrel đah 193 đại biểu lah ăp nuĭh ntoh lư tâm nău kan tâm rlong rŏng dak lvang năm 2020-2025 bâh Học viện n’hanh ăp ngih nti chính trị ta n’gor, nkuăl ƀon têh bâh Trung ương râng Đại hội. Ntoh ngơi ta rơh ntĭm leo n’hanh rgŏ jă nău kan tâm rlong lvang năm 2025-2030, Giáo sư- Tiến sĩ Nguyễn Xuân Thắng đă, Gay ma ƀư ueh ăp nău kan chính trị geh pă, đă ăp ntŭk kan, nuĭh kan ta Học viện tâm ban kơt ăp ngih nti chính trị n’gor, nkuăl ƀon têh bâh Trung ương mât uănh an geh n’hao nău way ơm rŏng dak, soan dăng ntŭk kan nsum đah trong kan “Tâm rnglăp, ƀư tơm, kỷ cương-nău mhe- hun hao” ƀư tĭng ueh nău kan “tâm rlong tâm rnglăp, rgâl mhe mĭn kan mhe ndŏ Học viện chính trị ngih dak Hồ Chí Minh ndrel đah lam dak lăp ta rơh mhe”.
Viết bình luận