Ôi ntri (29/9), ta Hà Nội, Mpôl ntrŭt nsôr kơt nti Việt Nam ƀư nkah ndray 15 năm Nar ntrŭt nsôr kơt nti Việt Nam (02/10/2008-02/10/2023) n’hanh rgŏ jă tâm rlong “Ăp nuĭh ƀon lan kơt nti êng tât dŭt nău rêh, tŏng đah nău ŭch geh hun hao nâp dăng tâm rơh rgâl mbrô”. Groi Thủ tướng Trần Hồng Hà tât râng. 15 năm aơ, păng rup ntrŭt nsôr kơt nti nar lơn ma ntơr uĕh geh ăp nău dơi  bah trong leo ntrŭt nsôr kơt, ntrŭt nsôr nuĭh gĭt blău mô rlu dơi hun hao, năm bah kơi âk rlău năm bah năp.

Mpôl kan ntrŭt nsôr kơt nti hŏ nkrum lam ăp xã, phường, thị trấn n’hanh tổ dân phố, thôn, ấp đah rlău 26 rkeh hội viên. Lah ta rơh nkah ndray, Groi Thủ tướng Trần Hồng Hà lah rjăp: Gay neh dak têh dăng ri tơm kon nuĭh lah dŭt khlay. Đah jâng ntơm rgâl mbrô, rgâl kloh uĕh, dŭt ŭch geh nău ntrôl dăng kơt nti êng ta ăp nuĭh ƀon lan, lơn lah nău kơi năp nti nău gĭt khoa học, công nghệ thông tin. Nkre dăn đă Bộ Giáo dục n’hanh Đào tạo kan nsum đah Mpôl Nar ntrŭt nsôr kơt nti ơm ƀư jêng ngăn ngăn trong leo lăp tât tĭng nhih pah kan, đơn vị, rnăk wâl./.