Lôch 1 năm njêng ntŭk tâm rgop kan, ăp nuĭh kan ntoh lư ta mạng xã hội ta n’gor Gia Lai dôl ntop mât njrăng nău rlăm, njrăng ăp nkô̆ nău mô ueh geh săk rnglăy lơn, ntop rdâk njêng ntŭk kan ta mạng đăp mpăn, ueh lơn, Ntoh ngơi ta rơh tâm mâp, Thượng tá Đỗ Minh Kim- Groi kruanh phòng 3, Cục An ninh mạng n’hanh njrăng rdâng nuĭh tih dŏng công nghệ mhe, n’gâng kan Công an an gĭt, tâm let năp atay, nău ŭch mât đăp mpăn, rnă njrăng ngluh mbơh mô dơn lah njrăng nău mbơh rlăm, nău mbơh mô ueh mô di, ma an geh leo kan mât đăp mpăn an ƀon lan bâh ntŭk gu rêh ta mạng. Nkre lah, ntŭk kan rnă njrăng mạng n’hanh njrăng rdâng nuĭh tih dŏng công nghệ mhe dôl geh ntrôl rmôt kan ndrel knơm rnoh mbrô, njêng nău kan hăn ndrel đah ăp ntŭk mât uănh ngih dak, ntŭk gŭ rêh KOL, doanh nghiệp ta rnoh mbrô n’hanh ăp ntŭk kan leo kan ta ntŭk rêh jêng. Rnôk nău kan Câu lạc bộ aơ pah kan geh săk rnglăy, mbra geh njêng du ntŭk nking n’gang mât đăp mpăn ntŭk rêh jêng.