Nău nchrăp ƀư bât njrăng rdâng dak buk, rluh rlâm ta ăp ƀon rnoi đê̆ rgŏ dak me Đăk Bla ta nkuăl ƀon têh Kon Tum geh nău jong rlău 4,4km. Nău nchrăp kan ƀư bâh khay 9 năm e n’hanh nchrăp khay 9 năm aơ ƀư olôch, yơn tât aƀaơ  mhe kanŭng geh 18% đah nău nchrăp. Lĕ rnoh ntuh kơl nău kan rlău 200 rmen prăk, yơn tât aƀaơ rnoh nău kan bâh nău nchrăp mhe geh 60 rmen prăk dơm. Aơ lah nău nchrăp kan tơm bâh n’gor, jêng năm 2023 lĕ geh pă tŏng prăk bâh tơm prăk Trung ương; lôch ne geh an ntoch jong tay mông nar pah kan n’hanh pă prăk tât lơ 31/12/2024. Yơn nău nchrăp kan aơ jêr ma dơi geh sĭt di đah nar ton yor ăp nău kŏ văk mpeh ntŭk kan. Ndrel đah nău nchrăp ƀư ntŭk bât njrăng dak buk n’hanh rluh neh ta ƀon rnoi đê̆ rgŏ dak me Đăk Bla, âk nău kan tơm ta n’gor Kon Tum mbra geh ƀư mbrơi, mô dơi pă prăk kan ntuh kơl tĭng di nău nchrăp.