Tât lơ 23/3, n’gor Kon Tum lĕ ƀư ndâk nkra mhe n’hanh nkra tay geh 1.643 mlâm ngih tâm dĭng lĕ 2.752 mlâm jay ŭch nâp nâl. Lĕ geh nkuăl tâm n’gor tât êp naư rƀŏng jêh ngih rông mpông sat an nuĭh ƀon lan. Kon Rẫy lah nkuăl bôk năp bah n’gor Kon Tum tât aƀaơ lĕ ntơm jêh, ndâk nkra mhe n’hanh nkra tay lĕ rngôch 155 mlâm jay truh sat an ăp rnăk. Tâm nĕ geh nuĭh ŭch ƀư mhe lah 102 jay n’hanh nkra 53 jay.

Wa Nguyễn Văn Thủy, Groi Kruanh UBND nkuăl Kon Rẫy, ta n’gor Kon Tum geh nkuăl Đăk Hà knŭng hôm 9 jay n’hanh nkuăl Sa Thầy hôm 34 jay jêh lor. Đah ăp nkuăl nkual jru ngai, jêr jŏt bah n’gor geh âk jay truh sat ŭch ƀư mhe, nkra tay, kơt: nkuăl Đăk Glei 646 jay, Kon Plông 572 jay, Tu Mơ Rông 423 jay, tât aƀaơ rnoh ntơm rdâk ƀư, jêh ƀư mhe n’hanh nkra tay lĕ geh rlău n’gul.