Ƀư tĭng nau rđau bah Thủ tướng Chính phủ mpeh nau lŏ ntrŭt dăng nau jut ngih truh sat tâm lam dak, tât lơ 6/2/2025 n’gor uỷ Kon Tum hŏ ntrŭnh 369 ngih, tâm nê ndâk mhe 320 ngih ndrel nkra nâp 49 ngih. Lam n’gor Kon Tum geh 2.752 ngih truh sat, tâm nê ŭch ndâk mhe 2.186 ngih ndrel nkra nâp 566 ngih. Rnoh prăk gay n’gor Kon Tum jut ngih truh sat rlau 141 rmen 500 rkeh ndrel rnôk aơ mô tŏng 54 rmen 700 rkeh.

Nkô̆ ƀư tât n’gor Kon Tum mô tŏng prăk gay nkra ngih, yor rnoh rnăk ŭch jur ngih trh sat hao 1.214 rnăk rđil nau nchrăp bôk năp. Ngăn lah, nau kơp bah năp nê lah 1.538 rnăk, ndrel ba kơi nê lah 2.752 ngih truh sat ân geh ndâk mhe ndrel nkra nâp. Tĭng nau rđau jut ngih truh sat bah n’gor Kon Tum, tơm prăk rnôk aơ bah Trung ương ndrel n’gor mhe knŭng tŏng 61% rnoh prăk gay n’gor ƀư jut ngih truh sat dơm./.