Geh ƀư tâm 2 nar 20 n’hanh 21/9, Đại hội đại biểu Hội nông dân n’gor Kon Tum tal 9, năm kan 2023-2028 lĕ geh uănh năl âk nkô̆ nău khlăy, trong kan khlăy tâm nău kan Hội n’hanh nău kan ƀon lan kan lŏ mir 5 năm tay. Đại hội đại biểu Hội nông dân n’gor Kon Tum tal 9 geh 277 đại biểu ndơn kan an rlău 65 rbăn nuĭh ƀon lan kan lŏ mir ta n’gor.

Năm kan 2023-2028 đại hội uănh năl âk nău kan khlăy, ntrŭnh mbơh rdâk njêng Hội nông dân ăp gâl tâm n’gor an nâp dăng lĕ rngôch; mbơh tơih, rgŏ jă rnăk ƀon lan kan lŏ mir hun hao tuch tăm, rdâk njêng nkual ƀon lan mhe, mât kơl nău dơi n’hanh nău geh tâm di bâh nuĭh ƀon lan kan lŏ mir, n’hao nău kan Ƀon lan kan lŏ mir tâm rlong pah kan tăch rgâl blău, tâm rnglăp tâm kơl ƀư sâm geh n’hanh n’huch ach o nâp nâl ndrel đah rơh rgŏ jă “ƀư rgâl nău mĭn, trong kan bâh ƀon lan rnoi đê̆, ƀư an ƀon lan rnoi đê̆ hun hao bâh ach o nâp nâl”, ntop rdâk njêng n’gor Kon Tum hun hao ngăch n’hanh nâp nâl. Đại hội đại biểu Hội nông dân n’gor Kon Tum tal 9, năm kan 2023-2028 geh săch BCH năm kan mhe geh 32 nuĭh. Wa Nguyễn Quang Thủy geh săch ƀư kruanh Hội nông dân n’gor Kon Tum.