Ôi lơ 24/10, n’gor Kon Tum ƀư ntơm hăn rmôt K53 hăn ƀư nau kan joi, rgum nting tahen hăn kơl an bah dak Việt Nam lĕ khĭt tâm Lào ndrel Campuchia tâm yan vai năm 2024-2025. Gay nchrăp ân rơh hăn rgum, joi nting tahen tâm yan vai năm aơ, N’gâng kan rđau tahen n’gor Kon Tum hŏ rđau đă Đội K53 uănh, mât 43 nau mbơh tât môch tahen bah dak băl. Bah nau uănh, geh nau mbơh tâm di mra geh rgum dơi nting tahen.

Ntoh nau tâm rnôk hăn, wa Y Ngọc, Groi Kruanh UBND n’gor Kon Tum đă N’gâng kan rđau tahen n’gor Kon Tum n’hao nau rđau, đă Đội K53 tâm rnôk ƀư nau kan ân ƀư ueh nau kan ntĭm nti chính trị ân rmôt cán bộ, tahen; n’hao nuih n’hâm tâm rnglăp, ƀư nau kan, ƀư rjăp kỷ luật bah tahen ndrel ăp nau ntrŭnh bah Đảng, pháp luật bah 3 dak Việt Nam-Lào-Campuchia. Dơi gĭt, yan vai năm e, Đội K53 n’gor Kon Tum hŏ rgum, leo nsĭt dak geh 16 nting tahen khĭt tâm Lào ndrel Campuchia./.