Bah lơ 1/3, nău kan ƀư mhe n’hanh an rgâl sam ƀŭt ƀĭt ndeh dơi jao an bah N’gâng kan ntung trong (aƀaơ lah N’gâng kan Xây dựng) an kông an ăp n’gor, nkual ƀon têh ta lam dak. Ta n’gor Dak Lak, jêh rlău 20 nar mbơh ƀư, kông an n’gor lĕ wơt dơn n’hanh mkra rlău 1.500 sam ƀŭt rhăch nău ƀư mhe n’hanh rgâl sam ƀŭt ƀĭt ndeh an nuĭh ƀon lan.

N’gul khay 2/2025, Kông an n’gor Dak Lak lĕ ntĭm rđău Jrô kan Cảnh sát ntung trong, kông an ăp xă, phường tâm rgop đah N’gâng kan Xây dựng ƀư jao an, wơt mât uănh ndeh, măy mŏk rhŏ an mât uănh n’hanh tâm rlong sŏk an sam ƀŭt ƀĭt ndeh. Nkre, ƀư hăn uănh ntung trong ngih wâl ta N’gâng kan n’hanh 3 Ntŭk tâm rlong ta lam n’gor, mbơh ƀư bah lơ 1/3. Jêh rlău 20 nar ƀư, tât aƀaơ kông an xă, phường wơt dơn 248 sam bŭt rhăch nău, jrô kan Cảnh sát ntung trong lĕ wơt dơn bơi 1.300 sam ƀŭt rhăch nău n’hanh ƀư mhe, rgâl an rlău 1.000 nuĭh.