Nkuâl Krông Pắk, n’gor Dak Lak dôl nsrôih đă ntrơn du gay jao an nuĭh tơm ƀư trong cao tốc Khánh Hòa – Buôn Ma Thuột. Tât rnôk dja, nkuâl  Krông Pắk hŏ đă ntrơn du n’hanh ndơ̆ jao geh an ăp nuĭh tơm ƀư trong 161 ha, tâm ban đah 76%, rnoh neh hŏ jao dŭt âk rđĭl đah ăp nkuâl hôm ƀa ƀă geh trong hăn rlău. 

Wa Ngô Thị Minh Trinh – Groi kruanh UBND nkuâl Krông Pắk an gĭt, gay đăp mpăn nău jao neh di rnoh ngăch, tâm bah ri aơ, UBND nkuâl hŏ rgum rđău đă ăp jrô kan, ăp xã geh neh tâm nkual nchrăp ƀư trong ntrôl ngăch đă ntrơn du, đăp mpăn di rêng, siƀŭt, trok tâm, trong kơl di tĭng quy định bah pháp luật, mô an geh nău lah phong. Trong cao tốc Khánh Hòa – Buôn Ma Thuột hăn rlău bar n’gor Dak Lak n’hanh Khánh Hòa, lĕ rngôch rnoh jong rlău 117 km, tâm nê geh gâl hăn rlău Dak Lak jong bơi 85 km, hăn rlău ăp nkuâl M’Đrắk, Krông Bông, Ea Kar, Cư Kuin n’hanh Krông Pắk.