Kêng măng ntri (7/10), Kruanh Ban nội chính Trung ương Phan Đình Trạc ndrel Mpôl đại biểu Quốc hội n’gor Lâm Đồng hŏ mâp cử tri ta xã Ninh Gia, nkuâl Đức Trọng. Tâm rnoh bơi 40 nău rgop bah cử tri ta rơh mâp, lơn âk nkoch tât nău tâm pit neh ntu đah nuĭh ƀon lan đah ăp công ty, doanh nghiệp dơi Ngih dak jao neh.

Tĭng cử tri, nău tâm rdăp, tâm pit neh dja hŏ ntoch jong bar pe jât năm yơn nha  mô hŏ geh nău mât uănh khlay nkra bah. Năl saơ ăp nkô̆ nău geh tât mât, dŏng n’hanh tâm  pit neh ntu ta xã Ninh Gia dŭt duh jêr n’hanh ntoch jong, wa Phan Đình Trạc, Bí thư Trung ương Đảng, Kruanh Ban Nội chính Trung ương đă kruanh rđău kan n’gor Lâm Đồng ndăn ra uănh tay, nkra dŭt bah tĭng nău tâm pit na nê̆. đah ăp nkô̆ mpeh n’glĕ nău dơi nkra, Mpôl đại biểu Quốc hội n’gor Lâm Đồng mbra geh siƀŭt dăn đă Bộ Quốc phòng lăp nkra bah.