Ôi 23/10, ta jay Quốc hội, Kruanh dak Lương Cường, Kruanh Quốc hội Trần Thanh Mẫn hŏ hăn uănh Pla n’hơ way nkô̆ “Nhật báo Quốc hội đah Rơh sơch nuĭh kan lor bôk năp”. Rơh sơch lăp kan lor bôk năp Quốc hội dak Việt Nam Dân chủ Cộng hòa, nar 6/01/1946 (aƀaơ lah dak CHXHCN Việt Nam) lah du nar kan têh khlay kăl e, ntơm an rnôk rdâk njêng nău rêh geh tâm ban mhe ta dak he.

Nău dơi bah rơh sơch lăp kan lah nău dơi geh bah nău tâm rnglăp, rlăch ndăng, n’groh an bah lam lĕ rngôch nuĭh ƀon lan Việt Nam n’hanh rgop mô đêt bah báo chí cách mạng tâm pah kan nkoch trêng, tâm nê geh nhật báo Quốc hội. Tâm rnôk  nê, Báo Quốc hội dơi ntoh măt nar 17/12/1945. Nhật báo Quốc hội lah lha báo ntơm jâng nkah mha êng, đah nkô̆ lơn âk lah nkoch nău lư lam hvi mpeh nău ŭch, nău khlay bah Rơh sơch nuĭh kan lor bôk năp, sơch Quốc hội khóa I. Bol dơn n’gluh nău nchih 15 mbrô dơm n’hanh kan tâm 21 nar, yơn Nhật báo Quốc hội hŏ rgop khlay tâm nău nkoch trêng an rơh sơch nuĭh kan.