Lôch rơh ntơm pơk rƀŭn nchră ndal tal 9 ăp đại biểu Quốc hội lĕ tâm nchră ta rmôt mpeh nău Luật rgâl mhe, ntop du đê̆ nkô̆ bâh Luật leo kan Quốc hội n’hanh nău nchrăp Luật ntrŭnh  săm ƀŭt ntrŭnh pháp luật (rgâl mhe). Tâm nchră ta rmôt, kruanh dak Lương Cường lah na nê̆ ntŭk tât lah an geh kloh rjăp, pah kan geh săk rnglăy, săk tam. Nău leo ƀư tay  an geh ƀư an mhe gay ma geh săk rnglăy lơn. Gay ma geh nău pah kan săk rnglăy, tam, bâh nău uănh nđôi aƀaơ hôm nha geh kŏ văk klâp ma rlău 5 rbăn Luật n’hanh săm ƀŭt ntrŭnh ba dâng Luật, tâm nĕ geh rlău 200 luật an geh rgâl nkra, ntop tay. Kruanh dak đă ta rơh rƀŭn nchră ndal tal 9 rgum rgâl nkira 4 luật n’hanh 5 nghị quyết geh tât leo ƀư gay ma mbơh tơih Nghị quyết 18. Kruanh dak đă rgum an tâm rgop nău ta nău nchrăp Luật rgâl mhe, ntop du đê̆ nkô̆ bâh Luật leo kan Quốc hội n’hanh nău nchrăp Luật ntrŭnh săm ƀŭt pháp luật rgâl nkra, nău rgâl nkra an geh ƀư tâm di đah nău ngăn n’hanh dơi geh đă leo kan an ueh lơn, răng dăng lơn.