Kêng măng 25/2, ta n’gor Hưng Yên, Kruanh dak Lương Cường, Kruanh mpôl hăn ôp uănh mbrô 1907 bah Bộ Chính trị ƀư tơm Tâm nchră mbơh nău n’glêh an, trong nchrăp hăn ôp uănh bah Bộ Chính trị năm 2025 đah Ban thường vụ Tỉnh uỷ Hưng Yên .

Lah ta rnôk tâm nchră, Kruanh dak Lương Cường rnê âk pah kan nchrăp ăp nkô̆ rhŏ dŏng an bôk nău kan ôp uănh, mpơl nuih n’hâm dơn kan bah Ban Thường vụ Tỉnh uỷ Hưng Yên. Kruanh dak đă Ban Thường vụ Tỉnh ủy Hưng Yên ndăn ngăch, rgum ƀư wat jêh siƀŭt mbơh ôp uănh ndrel ăp hồ sơ, siƀŭt ơm geh tât, njuăl Bộ Chính trị n’hanh Mpôl hăn ôp uănh; kan nsum lhăt, năn ngăch, nta trong dơh an Mpôl hăn ôp uănh ƀư wat jêh nău kan. Rđău đă ăp mpôl kan đảng, đảng viên mpeh Đảng bộ nchrăp nkô̆ mbơh tĭng Đề cương ntĭm nti, ndơ̆ an Ăp tŏng, di ngăn nău lư, rnoh nchih rgum; nsrôih kan nsum đah Mpôl hăn ôp uănh rnôk hăn năl di, lơn lah ăp siƀŭt mbơh ân grêt dăch ngăn ngăn, nkoch di nô nău an tĭng ƀư ăp nkô̆ dơi ôp uănh, ƀư kloh ăp nău dơi hŏ geh, trong ƀư uĕh, blău ƀư mhe; ăp mpăng đêt nchiăng khan n’hanh dăn đă trong nkra bah tâm let năp tay.