Kruanh dak Lương Cường mhe geh rơh mâp dêh bên đah kruanh, cán bộ, công chức, viên chức, nuĭh kan Văn phòng Kruanh dak. Lah ta rơh mâp măt, Kruanh dak Lương Cường mpơl nău rhơn dơi mâp lam lĕ rngôch kruanh rđău kan, công chức, nuĭh kan bah Văn phòng Kruanh dak, nhih pah kan mbra krêp dêh, ndrel hăn kơl Kruanh dak tĭng ƀư nău dơn kan ta ntŭk gŭ kan mhe dơi Đảng, Ngih dak n’hanh Quốc hội nsing nơm jao an.

Lôch rnôk djăt nău mbơh nkrum lam mpeh nô nău, dơn kan n’hanh trong nchrăp tâm let năp tay. Kruanh dak an lah gay lôch jêh uĕh nău dơn kan, rlău  ma nău nsrôih bah săk  nơm, nău uănh khlay, nău kơl bah ăp rơh kơn kruanh rđău kan Đảng, Ngih dak, ăp nhih pah kan Trung ương, n’gâng kan, n’gor tâm dâng, dŭt mpŏng geh nău n’grŏ tĭng, ndrel hăn bah groi Kruanh dak, bah cán bộ, công chức, nuĭh kan Văn phòng gay lôch jêh uĕh nău dơn kan têh kuâng kalơ nău ƀư nuĭh mât bôk ngih dak đŏng; tâm ban kơt ntơh măt Ngih dak mpeh nău kan tâm dak, tâm boh dak bah dih, tĭng ƀư lam lĕ rngôch n’hanh ăp tŏng ăp nău dơn kan, n’glĕ nău dơi kan bah Kruanh dak dơi Hiến pháp quy định.