Kêng măng 20/2, ta ntŭk kan N’gâng kan neh dak, Kruanh dak Lương Cường, rđau kan rmôt tahen ƀon lan, Kruanh rmôt kan Hội đồng neh dak ndrel đăp mpăn pah kan đah N’gâng kan neh dak mpeh nau tă geh dơi ƀư bah nau ntrŭnh 05-NQ/TW bah Bộ chính trị mpeh nau ƀư tahen ƀon lan Việt Nam lvang năm 2021-2030 ndrel ăp năm ba kơi. Ntoh nau tâm nar pah kan, Kruanh dak Lương Cường rnê prêh Quân uỷ Trung ương, N’gâng kan neh dak hŏ ntrŭnh ƀư n’hêl ngăn nau đă bah Bộ chính trị, Rnâng kan rđau kan Trung ương mpeh nau lŏ ƀư nau ntrŭnh mrô 18-NQ/TW, ndâk njêng ntrong kan chính trị “gleh-kloh-dăng-âk ntil-tam-săk tam”.

Dăp rgum, rgâl nau rnglăp bah ăp ntŭk kan, nau kan tâm ban gay đăp mpăn “gleh, kloh, dăng” ƀư nau kan du ntŭk kan ma ƀư âk nau kan, du nau kan knŭng geh jao ân du ntŭk kan mât ƀư ndrel ndơn nau tơm. Nsing tâm nau kan, nau ƀư gay geh ntrong kan ƀư jêh ueh gay rklaih ăp nau tât. Mât nâp nau ƀư kan bah rđau kan Đảng; đăp mpăn nau rđau kan ueh, sŏng mpeh ăp ntil bah Đảng đah tahen ƀon lan Việt Nam. Ŭch đồng chí Kruanh dak lŏ kơl an, pơk trlong gay N’gâng kan neh dak lŏ ƀư ân nâp, kloh, dăng, ndâk tahen cách mạng, săk tơm, blau, ueh mhe tĭng ăp nau ntrŭnh đă bah Đảng hŏ uănh năl./.