Ôi lơ 10/2, ta Hà Nội, Kruanh dak Lương Cường hŏ geh nar pah kan đah Văn phòng Kruanh dak mpeh nau ntrŭnh nau kan tư pháp năm 2025, du nau kan khlay tâm nau ƀư, nau kan, nau dơi bah Kruanh dak tĭng nau ntrŭnh bah Hiến pháp. Jêh rnôk geh djăt nau tâm nchră, Kruanh dak Lương Cường ncŏng kloh, tâm nâm nau rđau kan bah Đảng, ăp năm rlau aơ, nau kan tư pháp dak nơm hŏ geh ăp nhoat hun hao ueh, geh dơi ăp nau khlay tâm nau kan ăp ding, ƀư, pah kan tư pháp mô rlu geh rgâl mhe, săk tam lơn.

Tâm nau nê, rơh tât, nau kan rgâl mhe tư pháp lŏ ƀư nau ntrŭh mrô 27-NQ-TW mpeh nau ndâk Ngih dak pháp quyền xã hội chủ nghĩa Việt Nam tâm rnôk mhe, nsôih ndâk nau kan tư pháp blau, mhe, tâm ban, rjăp, ƀư kan bah neh dak, kơl an ân ƀon lan. Mpeh nau nchrăp ân rơh rƀŭn tal bôk năp năm 2025 bah Rnâng kan rđau kan Tư pháp Trung ương, Kruanh dak lah rjăp, nau kan rgâl tư pháp ân geh mât tâm dăch ma nau ntrŭnh, ntrong kan bah Đảng, đăp mpăn tâm ban đah nau ntrŭnh bah pháp luật, rgop nau n’hao săk tam bah nau kan tư pháp, ndâk Ngih dak pháp quyền xã hội chủ nghĩa./.