Ôi 11/2, Kruanh dak Lương Cường lĕ geh nar pah kan đah Văn phòng Kruanh dak mpeh nchrăp ƀư đại hội đảng bộ ăp gưl n’hanh jêh ƀư tĭng n’glôch jêh Nghị quyết 18. Kruanh dak đă trong kan nchrăp, ƀư đại hội đảng bộ ăp gưl an dơi ăp gưl ủy kruanh, ƀĭt joet ƀư tĭng di nău ntrŭnh, di nău way bah Đảng.

Uănh rnôk ƀư đại hội an uănh khlay ƀư tâm nchră kloh, jru hvi, râng rgop nău na nê̆ săk rnglăy dự thảo ăp văn kiện; mbơh an chính trị an uănh lah di nu nău ƀư tĭng Nghị quyết đại hội năm kan bah năp, ngăn lah ăp nău kan khlay, nău kan ndâk njêng, uănh nkra tay Đảng. Đah nău kan n’glôch jêh Nghị quyết 18, Kruanh dak đă n’gâng kan ƀĭt joet mhe an pah kan uĕh lơn, săk rnglăy lơn, tâm di uĕh lơn nău đă, gưl kan, nău kan bah Văn phòng Kruanh dak. Tâm rnôk ƀư tĭng dăp, rgum jêt n’gâng kan ƀĭt joet uănh khlay tât nău ŭch, mpŏng, mât uănh nău rêh bah cán bộ, công chức viên chức, nuĭh pah kan bah ngih pah kan ntŭk kan đăp mpăn, nsrôih jêh uĕh ngăn nău kan dơi jao.