Kêng măng 26/3, ta Hà Nội, Quân ủy Trung ương, N’gâng kan mât njrăng bri dak Ƀư nkah gĭt 90 năm Nar way ơm Dân quân tự vệ (28/3/1935-28/3/2025) n’hanh wơt dơn Huân chương Hồ Chí Minh. Kruanh dak Lương Cường râng n’hanh ntoh ngơi ta nar ƀư.

An Huân chương Hồ Chí Minh an rmôt dân quân tự vệ n’hanh ntoh ngơi ta nar ƀư, ntoh măt kruanh Đảng, Ngih dak Kruanh dak Lương Cường nkoch kloh, Đảng n’hanh Ngih dak he dŭt n’hâm uănh khlay n’hanh nâp nâl trong hăn ndâk njêng mât njrăng bri dak lam ƀon lan, rơh njrăng n’gang ƀon lan tĭng đah ndâk njêng rnă njrăng ƀon lan, jâng nsan rnă njrăng ƀon lan n’hanh “jâng nsan nuih n’hâm ƀon lan” nâp nâl. Kruanh dak Lương Cường đă ăp gưl, ăp nău kan bah Trung ương tât ƀon lan: Quân ủy Trung ương, N’gâng kan mât njrăng bri dak uănh mĭn tay ntuh kơl prăk n’hanh đăp mpăn nău geh uĕh ngăn rmôt Dân quân tự vệ pah kan săk rnglăy lơn, rgop ndrel lam Đảng, lam ƀon lan, lĕ rngôch tahen ndơ̆ neh dak nâp nâl lăp rach năm mhe-Rach năm hun hao têh dăng, uĕh lăng bah rnoi nuĭh.