Lơ 23/3, ta Quảng trường 23 khay 3, nkuăl ƀon têh Đồng Xoài, n’gor Bình Phước, n’gor uỷ, HĐND, UBND, Uỷ ban Mặt trận Tổ quốc Việt Nam n’gor Bình Phước ƀư nau nkah 50 năm Nar rklaih Bình Phước (23/3/1975-23/3/2025) ndrel ndơn Huân chương Lao động hạng Nhất. Kruanh dak Lương Cường râng nau ƀư nkah. Rhơn ndrel nkah tay ăp năm khay jêr jŏt ma janh dăng, duh ma geh nau têh ang, Kruanh dak lah rjăp aơ lah rnôk gay uănh tay trong hun hao bah Bình Phước, nkuăl neh janh, dăng, âk nau vay ơm cách mạng ndrel janh dăng dôl ma hun hao dăng rjăp.

Kruanh dak lah rjăp Bình Phước mô êng lah hun hao jêng nau ang tâm rnôk hun hao văng sa, rêh jêng, ma hôm lah nau mpơl ân nau nsôih, nau ŭch hun hao mô rlu bah du nkuăl neh geh tă in pit jêh tâm lơh rai. Kruanh dak lah rjăp, ăp nau khlay bah nau đăp mpăn, tâm ban ndrel hun hao nar aơ geh bun dăp ma nau nsôih, nau kan ndrel nau roh hoach têh bah nar ơm. Tĭng Kruanh dak aơ lah nau nsôih gay ăp kon nŭih tâm Bình Phước lŏ hao lơn tay, pah kan rjăp gơih, blau mhe, nsum nti ndâk Bình Phước nâp nâl, ueh mhe, tâm di ma nau vay ơm janh dăng ma ăp rơh mbŏ, nô hăn lor lĕ tă njêng ƀư./.