Kêng măng 24/3, ta Nhih pah kan kruanh dak, Kruanh dak Lương Cường hŏ wơt wa Kamran Bayram Aliyev, Viện trưởng Viện Kiểm sát gưl têh Azerbaijan, dôl geh hăn khâl n’hanh pah kan ta Việt Nam. Kruanh dak lah rjăp, ƀon lan Việt Nam way nchih nkah n’hanh uănh khlay ăp nău tâm rŏng, n’grŏ tĭng, nău kơl khlay ma ƀon lan Azerbaijan hŏ rong an Việt Nam tâm ăp năm aơ.

Kruanh dak rhơn rnê Viện kiểm sát ƀon lan gưl têh Việt Nam n’hanh Viện kiểm sát gưl têh Azerbaijan hŏ ký Siƀŭt nchih nkah tâm boh nkhêp geh hăn khâl rơh dja, bah nê n’hao nău dơi tam pah kan mât uănh, rlăch ndăng nuĭh tih, mât njrăng uĕh lơn nău dơi kon nuĭh, nău dơi ƀon lan, mât njrăng nău geh nsum, đăp mpăn rnă njrăng, uĕh an hun hao wăng sa- rêh jêng kon nuĭh bah bar dak. Kruanh dak dăn đă Viện Kiểm sát bar dak kan nsum lhăt tâm rlăch ndăng, rdâng lơh nuĭh tih, lơn lah nuĭh tih geh mpôl rloh rlău neh dak, nuĭh tih công nghệ mhe n’hanh tâm boh tâm trong mât njrăng nău geh nsum tâm n’glĕ nău dơi nkra bah bar ding.