Kêng măng 3/2, Thành uỷ Hà Nội khuh răm ƀư nau pă Huy hiệu 65 năm lăp đảng pă ân đồng chí Trần Đức Lương-Uỷ viên Bộ Chính trị, Kruanh dak Cộng hoà xã hội chủ nghĩa Việt Nam. Ntoh măt rđau kan Đảng ndrel Ngih dak, Kruanh dak Lương Cường pă huy hiệu 65 năm Đảng ndrel rhơn Kruanh dak ơm Trần Đức Lương; nkre lah rjăp, aơ lah nau nkhôm prêh khlay bah Đảng, kơp dơn nau kan ndrel nau rgop têh bah đồng chí Trần Đức Lương đah nau kan cách mạng bah Đảng ndrel rnoi mpôl nơm. 65 năm dâk tâm rmôt kan Đảng, bol ma tâm moh nau kan.

Wa Trần Đức Lương meo leo trong lor bah nŭih đảng viên, du nuih n’hâm pah kan ma Đảng, đah neh dak, lôch n’hâm kơl an nau kan cách mạng bah Đảng, bah rnoi mpôl, ƀư jêh nau kan geh jao, tâm di ma nau rnơm bah Đảng, Ngih dak ndrel ƀon lan. Kruanh dak rhơn đồng chí Trần Đức Lương ndrel rnăk vâl geh ueh lăng săk jăn, rêh hŏ, geh âk nau rhơn m’ak tâm nau rêh; ŭch đồng chí lŏ rgop âk lơn tâm nau kan cách mạng bah Đảng, Ngih dak ndrel ƀon lan./.