Ôi ntri (12/9), ta Hà Nội, Kruanh dak Võ Văn Thưởng râng Lễ khai giảng năm nti 2023-2024 bah Học viện Quốc phòng. Lah ta rơh lễ, Kruanh dak Võ Văn Thưởng njuăl nău mbah rhơn dŭt uĕh lăng tât cán bộ, giảng viên, học viên, nuĭh kan, tahen Học viện Quốc phòng, nkre rnê âk Học viện way mât nâp nău way ơm, lah du ntŭk rgum ntĭm nti, gŭ mĭn khoa học dâk bôk năp bah tahen n’hanh bah lam dak.

Ndrel đah nău dơn kan tiăr nti, ntĭm nti, Kruanh dak đă Học viện mô rlu n’hao săk blău tâm boh dak bah dih mpeh ntĭm nti; uănh khlay nău dơn kan ntĭm nti, kơi năp nti cán bộ gưl têh tahen kơl bar dak băl Lào n’hanh Campuchia. Kruanh dak nsing nơm, đah nău way ơm n’gloh ang mpeh 46 năm rdâk njêng, hun hao n’hanh têh jêng, Học viện Quốc phòng mbra lôch jêh uĕh nău dơn kan năm nti 2023 -2024; nkre ntrŏng năl njuat hăn nâp kalơ jâng nsing lý luận n’hanh ngăn ngăn ma tahen, Đảng he hŏ dơi geh./.