Kêng măng 17/10, nar bôk năp tâm rơh khâl tât Trung Quốc, Kruanh dak Võ Văn Thưởng geh rơh rgum nchră đah Ủy viên kruanh Ủy ban Thường vụ Đại biểu Nhân dân lam dak Trung Quốc Triệu Lạc Tế. Kruanh dak Võ Văn Thưởng lah rjăp nău ŭch bah rơh khâl ndrel đah nău râng rƀŭn gưl prêh kan ndrel lam ntŭr neh “Vành đài n’hanh Con đường” rơh 3, hôm gay rgop tay n’hanh ƀư kan ndrel đah 2 dak.

Ta rơh mâp, 2 nuĭh kruanh lah rjăp n’hao tay tâm mâp gưl prêh n’hanh ăp gưl, n’hao uĕh, săk rnglăy kan ndrel ta ăp ntil, uănh khlay ntrôl tăch rgâl hao jêng tâm ban, nâp nâl. Kruanh dak dăn đă Trung Quốc n’hao nglăp rwăt ndoh ndơ, ngăn lah ndơ lŏ mir bah Việt Nam; ntrôl kan ndrel ntuh kơl, boăt nthoi ntung trong âk trong. Kruanh dak Võ Văn Thưởng đă đŏng 2 ding n’hao tâm nđŭr nuĭh ƀon lan uănh khlay tâm nđŭr văn hóa, kan ndrel pâl nđaih, tâm di nău ŭch tâm nđŭr, nău rêh nuih n’hâm bah nuĭh ƀon lan.