Kêng măng 20/10, Kruanh dak Võ Văn Thưởng n’hanh Mpôl đại biểu Gưl prêh Việt Nam lĕ tât Hà Nội, lôch uĕh rơh râng Rƀŭn nchră gưl prêh lam ntŭr neh “Vành đai n’hanh Con đường” BRF) rơh tal 3 ta Trung Quốc. Ta thủ đô Bắc Kinh, Trung Quốc, tâm bôk nău kan râng rƀŭn nchră gưl prêh “Vành đài n’hanh Con đương”, Kruanh dak Võ Văn Thưởng lĕ râng ntơm ƀư khlay đah nău râng bah rlău 4.000 đại biểu bah rlău 140 dak n’hanh 30 rmôt kan lam ntŭr neh đah rlău 20 kruanh dak, nuĭh djôt bôk Chính phủ lĕ tât râng Rƀŭn nchră.

Ta rƀŭn aơ, Kruanh dak Võ Văn Thưởng lĕ nkoch nău mbơh Việt Nam kơl mro ăp nău ƀư mhe an đăp mpăn, kan ndrel hun hao ta nkual n’hanh lam ntŭr neh; tâm nĕ geh nău mĭn ƀư mhe Vành đai n’hanh Con đường yor Trung Quốc rdâk ƀư. Nkhêp di râng rƀŭn nchră, Kruanh dak lĕ geh âk rơh mâp, mâp âk nuĭh kruanh ngih dak, Kruanh mpôl ăp dak, ăp rmôt kan lam ntŭr neh, tâm nchră ăp trong n’hao săk rnglăy kan ndrel ăp ding. Rơh hăn lĕ lôch uĕh, tâm ton têh dăng bah Việt Nam đah ƀư tơm ăp ding, n’hao kan ndrel n’hanh boăt nthoi wăng sa nkual n’hanh lam ntŭr neh.