Ntoh ngơi ta rơh lễ, kruanh dak Võ Văn Thưởng nkah tay nău way lịch sử têh kuăng bâh nkual neh, kon nuĭh Quảng Ninh, lah ntŭk bôk năp bâh ngih dak, ntŭk geh dak me Bạch Đằng, ntŭk mpơl lịch sử têh kuăng bâh mpôl rnoi đah pe tơ̆ geh nău dơi bâh tahen rŭn lơh.

Kruanh dak rnê âk Đảng bộ, n’gâng kan n’hanh ƀon lan n’gor Quảng Ninh tâm ba năp nơh an geh n’hao tay nău dơi têh kuăng, nău nsrôih kan, nău gơih kan, mĭn kan, dơi geh ăp nău dơi têh. Wăng sa hun hao dăng, hun hao GRDP âk n’hanh đăp mpăn, mbro tâm 8 năm, bâh năm 2016  lĕ geh hao rlău 10%; nău geh tơm prăk ngih dak way tâm rmôt leo tơm ta ngih dak. Quảng Ninh lĕ ƀư lôch bôk nău kan rdâk njêng nkual ƀon lan mhe ta lĕ 3 gâl kan, sĭt ta năp 3 năm bôk nău kan nkô̆ mpŏng ngih dak n’huch ach o nâp nâl lvang năm 2021-2025. Nău kan rdâk njêng, nkra mhe Đảng n’hanh trong kan chính trị way geh uănh khlăy, geh âk nău rgâl mhe.