Ndơn nau jă bah Tổng Bí thư Rnâng kan rđau kan Trung ương Đảng Cộng sản Trung Quốc, Kruanh dak Trung Quốc Tập Cận Bình, ôi 17/10, Kruanh dak Võ Văn Thưởng leo bok rmôt kan ntoh măt gưl prêh Việt Nam hăn Bắc Kinh, râng tâm nchră gưl prêh tâm boh nau kan “Trong kan ndrel trong hăn” tal pe ntơm lơ 17 tât 20/10. Aơ lah rơh hăn kan bôk năp bah Kruanh dak Võ Văn Thưởng tât Trung Quốc kơp ntơm jêh rnôk Việt Nam ƀư dơi Đại hội Đảng tal XIII ndrel Trung Quốc ƀư dơi Đại hội Đảng tal XX.

Năm 2023 kŏ lah năm nkah 15 năm nau tâm boh kan nsum ăp ntil Việt Nam-Trung Quốc ndrel nkah 10 năm nar njêng ndrel hun hao Nau ƀư nau kan Trong kan ndrel trong hăn. Rơh hăn kan aơ bah Kruanh dak Võ Văn Thưởng geh nau khlay ngăn, ntoh nau uănh khlay prêh, kơl an bôk năp bah Đảng, Ngih dak nơm tâm nau hun hao tâm boh ma Trung Quốc./.