Ôi 11/9 ta Ntŭk Kruanh dak, Kruanh dak Võ Văn Thưởng lĕ wơt Tổng thống Hợp chúng quốc Hoa Kỳ Joe Biden di rơh khâl Ngih dak bah Tổng thống tât Việt Nam bah nar 10-11/9/2023 tĭng nău jă bah Tổng Bí thư Nguyễn Phú Trọng.

Ta rgum nchră, Kruanh dak Võ Văn Thưởng mĭn lah Việt Nam uănh khlay n’hanh mpŏng ŭch ntrôl tâm boh đah Hoa Kỳ hun hao jru hvi, săk rnglăy, đăp mpăn n’hanh nâp nâl, tĭng ăp nău way ma 2 ding lĕ tâm ban ŭch, geh n’ăp tâm ryơk luật pháp lam ntŭr neh, Hiến chương Liên hợp quốc, ryơk đăp mpăn, ƀư tơm, uĕh lăng neh ntu n’hanh ƀư ndrel chính trị. Gay ƀư jru lơn tay tâm boh ăp ding tâm rnôk kan ndrel lĕ rngôch mhe ƀư, Kruanh dak Võ Văn Thưởng đă 2 ding n’hao tay tâm boh chính trị-tâm rnglăp nchră nău, ngăn lah mbơh an ăp rơh mâp đah Kruanh gưl prêh bah 2 dak.