Tâm mbơh mpeh nkô̆ nău âk ƀon lan mbơh lah nău kan njrăng rdâng nău sa nkhiăn sa ƀer, mpŭng lir, kruanh dak lah na nê̆, Đảng mbra geh ntrôl tay nău kan njrăng, rdâng nău sa nkhiăn sa ƀer, nsrôih răng dăng rmal răng dăng cán bộ sa nkhiăn , sa ƀer mpŭng lir đah nău mĭn lah mô geh nău grang. Tât tay mbra geh ăp nău tih sa nkhiăn sa ƀer geh rmal.

Ta rơh tâm mâp, ăp ƀon lan lĕ mbơh du đê̆ nău êng kơt lah uănh năl rlong rdâk njêng n’gâng kan nkuăl ƀon têh bâh nkuăl ƀon têh Đà Nẵng, doh rklaih ăp nău jêr an doanh nghiệp, n’gâng kan mât rong dôl geh jêr jŏt yor geh knơm âk ta ndơ sa mât rong rvăt bâh dak bah dih, n’hao nău rih công nghệ mhe, nău rlơn đah nuĭh pah kan ăp nar lơ ma âk, nău dŏng ma túy n’hanh tâm lơh ta ngih nti. Wa Nguyễn Văn Quảng, Bí thư nkuăl ủy, kruanh mpôl Đại biểu Quốc hội nkuăl ƀon têh Đà Nẵng lĕ geh mbơh rblang ăp nkô̆ nău aơ đah ƀon lan.