Ntoh ngơi ta rơh tâm mâp, kruanh dak Võ Văn Thưởng lah na nê̆, Đảng, ngih dak uănh hun hao tuch tăm, ƀon lan kan lŏ mir, nkual ƀon lan gŭ lah nău tơm khlăy.

 Kruanh dak lah na nê̆, ăp nău dơi têh bâh nău rgâl mhe, nău kan, nău knơm, nău dơi bâh neh dak dơi geh kơt nar aơ lah nău tâm rgop dŭt têh khlăy bâh tuch tăm, ƀon lan kan lŏ mir, nkual ƀon lan gŭ, Nkah tât nkô̆ mpŏng ŭch ndơ̆ Việt Nam jêng dak hun hao geh nău dơi âk ta năm 2045, kruanh dak Võ Văn Thưởng đă Tổng hội tuch tăm n’hanh hun hao ƀon lan nsrôih mbơh tơih, rgŏ jă ƀon lan rgâl mhe têh dăng, ngăn ngên, lĕ rngôch mpeh nău mĭn tâm pêt tâm kơl êng jêng nău pah kan têh, tâm di đah pah kan ƀư drăp ndơ n’hanh nău wăng sa ta ntŭk tăch rgâl, kơl an ƀon lan kan lŏ mir jêng nuĭh pah kan tuch tăm ngăn ngên gĭt nău mhe.