Ta rơh tâm mâp ndơn kan an nuĭh leo kan Đảng, ngih dak, kruanh dak Võ Văn Thưởng mpơl nău rhơn tâm mâp mpôl đại biểu nuĭh geh kan n’gor Trà Vinh, mpơl nău lah ueh đah ăp rơh hăn ba năp mpeh ăp nău tâm rgop kan, nău kan têh khlăy tâm nău rklaih kơl an đăp mpăn mpôl rnoi, dơn ngoăy neh dak.

Lah na nê̆ Đảng, ngih dak way nsrôih mât uănh, mât kơl an nuĭh geh kan kăl e, kruanh dak đă ăp gâl kan, ăp n’gâng kan, Đảng bộ, n’gâng kan n’gor Trà Vinh an geh ƀư tĭng săk rnglăy, tâm di đah nău kơl kan bâh cách mạng ma ê hŏ geh dơn nău kơl an bâh Ngih dak, yơn mô an geh nău kơl kan mô tâm di đah nuĭh kơl. Kruanh dak lah na nê̆, nău ƀư tĭng ueh an nuĭh geh kan kơl e ta Trà Vinh lah du trong kan gay ma n’hao nău tâm rnglăp mpôl rnoi, ngăn lah ta Trà Vinh geh âk mpôl rnoi ntop kơl kan khĭt rmanh an nău kan cách mạng.