Ta rơh tâm mâp, 2 hê nuĭh leo kan mpơl nău rhơn mpeh ăp nău geh khlăy ta trong tâm kơl kan 2 ding tâm ba năp nơh tâm ban kơt mât nău tâm rgâl kan gâl têh n’hanh ăp gâl, ntrôl dăng ta ăp trong kan tâm kơl wăng sa, tăch rgâl, mât rnă njrăng, đăp mpăn, khoa học, công nghệ, ntĭm nti, ŭnh nar, tâm nđur ƀon lan.

Kruanh dak Võ Văn Thưởng uănh rnê n’hanh lah ueh Tổng thống Putin, ăp ntŭk kan n’gâng kan, ăp ntŭk ta Nga lĕ kơl an rdâk njêng rup ndah kruanh Hồ Chí Minh ta Saint Petersburg. kruanh dak ŭch Nga an geh pă tay học bổng an sinh viên Việt Nam tât nti ta Nga tâm ban kơt ŭch tâm nđur mpeh văn hóa, tâm mâp ƀon lan. Tổng thống Vladimir Putin lah na nê̆ Việt Nam lah ngoăy tâm âk dak kan ndrel dŭt khlăy bâh Nga ta châu Á- Thái Bình Dương, an geh n’hao tay ăp trong kan, nău tâm kơl kan tăch rgâl, ntuh kơl 2 ding n’hanh âk ding, n’hao tâm kơl kan đah ăp n’gâng kan, ntŭk kan 2 dak.