Kruanh dak Võ Văn Thưởng mhe ký n’glêh an mpeh nău uănh an dŏng Hiệp định tâm kơl tư pháp mpeh nău tih nhŭp kân nuĭh đah dak Cộng hòa xã hội chủ nghĩa Việt Nam n’hanh dak Cộng hòa Ác-hen-ti-na tĭng nău dăn đă bah Chính phủ ta siƀŭt rblang dăn mbrô 523 nar 09/10/2023.

Hiệp định tâm kơl tư pháp mpeh nău tih nhŭp kân  nuĭh đah Việt Nam n’hanh Ác-hen-ti-na mbra rgop ntrŭt ntrôl tâm boh lam lĕ rngôch đah bar dak hun hao tay n’hanh nsĭt geh âk ta âk ntil trong kan. Aơ lah ntŭk nsing tâm di na nê̆, ăp tŏng, geh nău khlay gay ăp nhih pah kan dŏng pháp luật bar dak, kan nsum ôp uănh, rgum nău tih, ƀư ăp rêng kan nchrăp lah phong gay nkra lĕ rngôch ăp nău tih nhŭp kân nuĭh, tŏng đah nău ŭch geh ân n’hao nău dơi tam rlăch ndăng, njrăng n’gang ăp ntil nău tih, mât njrăng uĕh lơn nău geh n’hanh nău dơi tâm di bah ƀon lan ăp dak./.