Di rnôk râng tâm nchră gưl prêh Trong doar ndrel trong me tal 3, kêng măng 18/9, tĭng mông dak nê, Kruanh dak Võ Văn Thưởng hŏ vơt Tổng thư ký Liên hợp quốc Antonio Guterres. Tâm nar vơt, Kruanh dak rnê prêh nau kan ndrel nau rgop bah Tổng thư ký ndrel Liên hợp quốc ân nau đăp mpăn, rnă njrăng lam ntur neh, nkre lah rjăp Việt Nam mra kơl an ndrel nsôih rgop tâm ăp nau nsôih nsum nê.

Kruanh dak lah rjăp, Việt Nam mro uănh Liên hợp quốc lah ntŭk kan bôk năp yor nau đăp mpăn, tâm boh, hun hao tâm lam ntur neh ndrel lah băl rnơm, ƀư du ntil kan, tâm boh jŏ jong bah Việt nam tâm ăp ntrong hun hao bah neh dak. Kruanh dak đă Liên hợp quốc lŏ kơl an ân Việt Nam ƀư ăp nau ton bah lam ntur neh, tâm nê geh Bôk nau rƀŭn nsum bah nơm (OAC) kŏ kơt lah nau ƀư ăp nkô̆ nau hun hao neh dak./.