Ôi 26/9, ta Ntŭk Kruanh dak, Kruanh dak Võ Văn Thưởng wơt ăp Đại sứ ăp dak Bulgaria, Phái đoàn Liên minh châu Âu (EU), Pháp n’hanh Kazakhstan tât mbơh quốc thư. Kruanh dak mbah rhơn ăp Đại sứ dơn nău kan ta Việt Nam, mpŏng ăp Đại sứ đah nău blău ơm âk bah nơm, rgop ntrôl tâm boh ăp ding đah Việt Nam n’hanh ăp dak.

Wơt Đại sứ Bulgari, Kruanh dak an lah, Việt Nam n’hanh Bulgaria lah nuĭh kan ndrel khlay n’hanh dăn đă 2 dak ƀa ƀơ tâm rgâl gưl prêh n’hanh ăp gưl, tâm nđŭr n’gor n’hanh tâm nđŭr nuĭh ƀon lan, tă bah nĕ jêng tơm n’gâng nâp nâl an kan ndrel 2 dak. Yor nê, 2 dak an ntrôl tay kan ndrel n’hanh kơl ndrel ta ăp rƀŭn lam ntŭrrr neh n’hanh n’gor. Wơt Đại sứ Cộng hòa Pháp, Đại sứ Pháp nkoch ngơi đah Kruanh dak Võ Văn Thương ntô̆ n’hao dơi dơn nău kan ta Việt Nam tâm rnôk tâm boh dăch dêh 2 dak hun hao uĕh lăng. Năm tât, Pháp mbra ntrôl dăng kan ndrel đah Việt Nam mpeh khoa học, ntĭm nti, ngăn lah ntĭm nti đại học.