Ôi 16/10, Kruanh dak Võ Văn Thưởng hŏ wơt Kruanh Duma Quốc gia Quốc hội Liên bang Nga Vyacheslav Viktorovich Volodin dôl khâl ngăn Việt Nam. Ta rơh wơt, Kruanh dak Võ Văn Thưởng lah rjăp Việt Nam năp kơi tâm ban ngoăy, lơn lah uănh khlay tâm boh têh  jong lam lĕ rngôch đah Liên bang Nga.

Kruanh dak tâm ban ŭch đah nău mĭn bah Kruanh Duma Quốc gia Nga mpeh tâm boh wăng sa- tăch rgâl, ntuh kơl tâm bah ri aơ mô hŏ dơi kơt nău ŭch rŏng, yơn nê hŏ lah nău nsrôih bah  lĕ bar ding tâm rnôk nô nău geh âk jêr jŏt. Let năp tay, Kruanh dak dăn đă bar ding ntrôl dăng tay tâm mâp gưl têh, yor tâm mâp gay tâm ôp, ndrel nsrôih rlău jêr jŏt lah dŭt khlay n’hanh dŭt ŭch geh đah ăp nuĭh băl jŏ năm du nuih n’hâm tâm rŏng. Kruanh dak ŭch rŏng tâm boh đah bar ding tâm ăp trong kan njrăng n’gang neh dak, rnă njrăng, khoa học công nghệ, ntĭm nti, văn hóa n’hanh tâm nđŭr ƀon lan mbra hun hao dăng tay./.