Kêng măng, 10/10 năm 2023, ta Ntŭk Kruanh dak, Kruanh dak Võ Văn Thưởng lĕ wơt tâm mâp Kruanh N’gâng kan tâm rnglăp nchră nău Nhật Bản Kamikawa Yoko dôl khâl Việt Nam bah nar 10-11/10/2023. Kruanh dak mĭn lah đah 2 dak geh âk nău nsum n’hanh ntŭk ntô gay ndơ̆ tay tâm boh kan ndrel dăch dêh Việt Nam-Nhật Bản hun hao têh dăng lơn ta ăp ntil nău.

Kruanh dak Võ Văn Thưởng đă 2 ding ntrôl tay tâm rgâl mpôl gưl prêh n’hanh ăp gưl gay rgop nâp nâl n’hanh n’hao nău nsing nơm chính trị; uănh khlay ntrôl kan ndrel wăng sa, tăch rgâl, ntuh kơl, pah kan, ODA, ntĭm nti nuĭh kan tâm nĕ geh ntĭm nti cán ƀọ kruanh, mât uănh ăp gưl; ntrôl dăng tâm nđŭr ƀon lan, văn hóa, pâl nđaih, tâm nđŭr ƀon lan n’hanh rơh druh ndăm 2 dak. Mpeh ăp nău lam ntŭr neh n’hanh nkual, Kruanh dak mĭn lah Việt Nam nchrăp kan ndrel rjăp đah Nhật Bản rgop an lôch uĕh bah Rƀŭn nchră gưl prêh ASEAN-Nhật Bản dŭt năm 2023.