Ta Gia Lai, Groi Thủ tướng Chính phủ Hồ Quốc Dũng râng ntơm ƀư năm nti mhe ta Ngih samƀŭt Phổ thông nội trú Tiểu học n’hanh THCS Ia Púch. Ngih samƀŭt dơi ndâk ƀư ta rnoh neh rlău 5 ha, prăk ntuh kơl bơi 178 rmen prăk, têh 26 jrô nti, tŏng ăp nău ŭch nti nsơm, gŭ âm ta ntŭk n’hanh bán trú an bơi 800 kon hŏk, tâm nĕ geh âk kon hŏk nuĭh Jarai.

Aơ lah ngoăy tâm 7 ngih samƀŭt phổ thông nội trú 2 gưl ta ăp xă n’har bri bah Gia Lai ndơ̆ an dŏng tâm năm nti năm aơ. Ta Khánh Hòa, Groi Kruanh Quốc hội Nguyễn Khắc Định râng ntơm ƀư, an ndơ nai n’hanh kon hŏk Ngih samƀŭt Phổ thông Dân tộc nội trú THCS n’hanh THPT Pi Năng Tắc, đah bơi 480 kon hŏk rnoi mpôl đêt. Ntŭk mhe bah ngih samƀŭt dơi ntuh kơl rlău 83 rmen prăk. Rơh aơ, 4 ngih samƀŭt tiểu học ta Đặc khu Trường Sa, n’gor Khánh Hòa lĕ rĭng ƀư ntơm năm nti mhe.