Lơ 8/9, ta Hà Nội, hŏ geh rơh Đại hội ntoh măt lam dal tal bôk năp, năm kan 2023-2024 rmôt kan mât đăp mpăn mạng neh dak. Đại tướng Tô Lâm, Uỷ viên Bộ Chính trị, Kruanh n’gâng kan Công an, Groi Rnâng kan Rđau kan đăp mpăn, rnă njrăng mạng neh dak râng, ntoh nau rđau. Ntoh nau tâm nar Đại hội, Kruanh n’gâng kan Tô Lâm đă, rmôt mât đăp mpăn mạng neh dak ndrel ăp dak kan nsum ân geh tam ban mpeh nau gĭt, nau mĭn rđau ân lôch, tâm di trong bah Đảng, Ngih dak mpeh nau đăp mpăn mạng tâm rơh rlau aơ; êng nau uănh năl nau kan, nau tă geh dơi ƀư ngăn, ân geh mât tam dăch nau mĭn, nkô̆ nau, nau kan, ntrong kan khlay hŏ geh N’gâng kan chính trị, Ban bí thư tâm ăp nau kan geh tât.

Kruanh n’gâng kan Tô Lâm rnơm lah, đah nau kan ngăn, n’hêl, khoa học, Rmôt mra tâm rnglăp, tâm ban, nsum n’hâm, nsôih ƀư dơi nau ntrŭnh Đại hội ntoh măt lam dak tal I (năm kan 2023-2024) hŏ nchrăp luh, geh âk nau rgop ngăn, săk tam tâm nau hun hao ngăch, nâp nâl văng sa, rêh jêng bah neh dak, rgop nau mât đăp mpăn, nau geh dơi ndrel ƀư tơm bah neh dak tâm trong mạng./.