Tâm rnôk hăn khâl na nê̆ Trung Quốc, nar 15/9, Đại tướng Tô Lâm-Kruanh N’gâng kan Công an lĕ rgum nchră đah Bí thư Thành ủy nkual ƀon têh Trùng Khánh, Viên Gia Quân. Bí thư Thành ủy Viên Gia Quân nkoch nău răm rhơn dơi wơt Kruanh N’gâng kan Tô Lâm n’hanh mpôl đại biểu gưl prêh N’gâng kan Công an Việt Nam tât khâl Trùng Khánh. Kruanh N’gâng kan Tô Lâm an gĭt, năm 2015, Ntŭk kan ntrŭt ngăch tăch rgâl bôk năp bah Việt Nam lĕ dơi gŭ ta Trùng Khánh.

Kruanh N’gâng kan dăn đă 2 ding n’hao tay kan ndrel, n’hao săk rnglăy ngăn ngên ăp ntil wăng sa, tăch rgâl. Aƀaơ Công an nkual ƀon têh Trùng Khánh đah Công an ăp ntŭk Việt Nam lĕ geh âk nău ƀư kan ndrel n’hanh geh săk rnglăy uĕh ta ăp ntil. Kruanh N’gâng kan Tô Lâm nkoch nău ŭch n’hanh dăn đă kruanh nkual ƀon têh Trùng Khánh nta an ngih pah kan ƀư tĭng pháp luật n’hao kan ndrel đah Công an ăp ntŭk kan, ƀon lan bah Việt Nam